सुनसरी । विकल्प एन अल्टरनेटिभको आयोजनामा सुनसरीको कोशी गाउँपालिका–३, कोशीटप्पुमा मल्टिमिडिया जर्नालिजम सम्वन्धि ३ दिने पहिलो चरणको आवासिय तालिम सम्पन्न भएको छ ।
मोरङ र सुनसरीका पत्रकारहरुको क्षमता विकास गर्ने उद्देश्यले आयोजना गरिएको पहिलो चरणमा तालिम बुधबार सम्पन्न भएको हो । नेपाल पत्रकार महासंघ कोशी प्रदेशका अध्यक्ष भरत खड्का, मोरङ अध्यक्ष सुशिला पाठकले बोल्दै पत्रकारहरुको क्षमता विकासका लागि यस्ता तालिमहरुले सहयोग पुग्ने बताउनुभयो । उहाँहरुले अबको पत्रकारिता प्रविधिमैत्री हुन नसके पत्रकारलाई चुनौती थपिँदै जाने बताउनुभएको छ । पहिलो चरणको तालिममा २५ जनाको सहभागिता रहेको थियो । तालिमको सहजीकरण उमेश श्रेष्ठ र प्रवेश सुवेदीले गर्नुभएको थियो । तालिममा मल्टिमिडियाको प्रयोग र फाइदा, एआई (आर्टीफिसियल इन्टिलिजेन्स) लगायतका बारेमा सहभागीहरुलाई प्रशिक्षण दिएको थियो ।
पहिलो चरणको चैत्र १८ गतेदेखि र दोस्रो चरणको २० गतेदेखि सञ्चालन भएको कार्यक्रम संयोजक रानु साहले जानकारी दिनुभयो । पहिलो चरणको सम्पन्न भएसँगै दोस्रो चरणको तालिम आजबाटै सुरु भएको उहाँको भनाई छ । पत्रकार महासंघसँग सहकार्य गरेर पत्रकारहरुलाई सहभागी गराएर पहिलो पटक आवासिय तालिम सञ्चालन गरेको र आगामी दिनमा पनि यस्ता तालिम सञ्चालन गर्ने निर्देशक बसन्त अधिकारीले जानकारी दिनुभयो ।